Det har vore ein lang og utfordrande koronaperiode for oss alle. Vi kan så smått byrja å håpe på ein meir normal haust, og vi kan få henta tilbake alt det tapte på studentfronten. Kva er vel ikkje betre enn å skaffe seg eit verv eller to, for å gjere studenttida tre hakk kjekkare? Er du litt i tvil, så skal du få ti gode grunnar for kvifor studenttida blir meir givande med å engasjere seg!
- Du kan vere med å forbetre UiA og studiekvardagen til 13 000 studentar. Når noko ikkje er godt nok, er du stemma inn for å skape forbetring
- Du får eit stort og viktig nettverk på tvers av fagretningar
- Du får ei god erfaring som kjem godt med når du skal ut i arbeidslivet
- Du utfordrer deg sjølv, og blir betre på å ta ordet
- Du får ei betre forståing om korleis organisasjonar er organisert, ei erfaring som er gull verdt ute i arbeidslivet!
- Du blir betre på å diskutere og sjå dei ulike koblingane. Å vere god til å diskuter kjem godt med i kvar ei setting, enten det er med svigers eller over ei pils på puben
- Du får møte inspirerande menneske som er like engasjert som deg sjølv! Kanskje du kan lære noko av desse?
- Du kan bruke det du lærer på studiet inn i vervet – og sjå nytteverdien av akkurat den kunnskapen som du sit på
- CVen får eit ekstra løft
- Det viktigaste punktet av dei alle: Du vekse på deg sjølv som menneske. Du blir litt glupare og litt meir reflektert. Du blir flinkare til å sjå fleire perspektiv og du får ei ekstra livserfaring som du kan utvikle deg eit ekstra nivå som menneske.
Treng du tjue grunnar til? Kontakt med STA då vel!